Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ministrja e Drejtësisë, Albulena Haxhiu po kërkon hartimin e një politike të re për bashkëpunimin më të madh me Shqipërinë për realizimin e të drejtave të shqiptarëve në rajon. Gjatë një tribune të organizuar sonte në platformën online Zoom, me rastin e 577-vjetorit të Besëlidhjes së Lezhës, ajo tha se nuk ka një platformë të qartë për vazhdimin e bashkëpunimit të shqiptarëve në rajon, duke pasur parasysh se të drejtat e tyre po shkelen në vazhdimësi. “Shqiptarët në Mal të Zi dhe Serbi janë nën mëshirën e këtyre vendeve, pasi që ata vazhdojnë të diskriminohen. Nevojitet një politikë e re dhe një qasje të re me Shqipërinë për bashkëpunimin e shqiptarëve në rajon”, theksoi Haxhiu. Besëlidhja e Lezhës shënon një hap përcaktues përpara në historinë kombëtare për bashkimin e tokave shqiptare në një shtet të përqendruar, me të cilin arrin pikën kulmore tradita shtetërore në mesjetën shqiptare por edhe ofron frymëzim për nisma të tjera në të ardhmen, po aq të rëndësishme.
