Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Bashkimit Demokratik për Integrim, Ali Ahmeti, ka deklaruar se disponon informacione për iniciativa në Gjykatën Kushtetuese të Maqedonisë së Veriut që synojnë rihapjen e çështjeve të trajtuara nga Tribunali i Hagës, përfshirë edhe paditjen e ish-Ushtria Çlirimtare Kombëtare për krime lufte. Ahmeti tha se një zhvillim i tillë do të rikthente plagë të vjetra, të cilat, sipas tij, janë mbyllur prej më shumë se dy dekadash. “Kam informacione që ka iniciativa në Gjykatën Kushtetuese për të hapur çështjet e Tribunalit të Hagës për t’u paditur Ushtria Çlirimtare Kombëtare për krime lufte. Jo që më frikëson, por të hapësh plagë të vjetra dhimbja është më e madhe sesa kur hapet një plagë e re. Janë çështje që i kemi mbyllur më shumë se 20 vite më parë”, deklaroi Ahmeti. Duke folur për zbatimin e Marrëveshja e Ohrit, lideri i BDI-së vlerësoi se partitë shqiptare kanë qenë promotoret kryesore të zbatimit të saj, ndërsa kritikoi partitë maqedonase për mungesë angazhimi në shpjegimin e rëndësisë së marrëveshjes për qytetarët. Sipas Ahmetit, ekziston ende perceptimi i gabuar se Marrëveshja e Ohrit dobëson shtetin maqedonas, ndërkohë që, sipas tij, ajo ka qenë një kompromis historik nga i cili kanë përfituar si shqiptarët, ashtu edhe maqedonasit. Ai kujtoi se një nga sfidat më të mëdha në zbatimin e marrëveshjes ishte miratimi i Ligjit për Përdorimin e Gjuhëve, proces që u finalizua vetëm gjatë viteve 2016–2017.
