Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari amerikan i Shtetit, Antony Blinken, në një urim drejtuar Serbisë për Ditën Shtetërore, ka thënë se udhëheqësit e Kosovës dhe Serbisë duhet të bëjnë kompromise të vështira në arritjen e një marrëveshjeje, por përfitimet për qytetarët e të dyja vendeve do të jenë të mëdha. Ai ka përshëndetur angazhimin konstruktiv të Serbisë në bisedimet e fundit me pesë diplomatët e lartë të Amerikës, BE-së, Francës, Gjermanisë dhe Italisë gjatë vizitës së tyre të fundit, në Beograd. Jam i bindur se normalizimi i marrëdhënieve ndërmjet Serbisë dhe Kosovës do të sjellë siguri dhe prosperitet për Serbinë dhe të gjithë qytetarët e Ballkanit Perëndimor. Sigurisht, liderët serbë dhe ata të Kosovës do të bëjnë kompromise të vështira për t’i arritur këto qëllime, por shpërblimet për popullin serb – dhe gjithë rajonin – do të jenë të mëdha”, ka theksuar Blinken në këtë letër. Ai tha se Shtetet e Bashkuara janë mbështetëse e fortë e ambicieve të Serbisë për në BE.
