Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati i ish-presidentit të Kosovës, Luka Mishetiq, ka reaguar ashpër ndaj funksionimit të Gjykatës së Apelit në gjykatën speciale në Hagë, duke ngritur shqetësime për mënyrën e trajtimit të ankesave të mbrojtjes në rastin ndaj Hashim Thaçi. Përmes një postimi në platformën X, Mishetiq deklaroi se gjatë pesë viteve e gjysmë të procesit, mbrojtja ka paraqitur dhe përfunduar gjithsej 40 ankesa ndërmjetëse, por asnjëra prej tyre nuk është aprovuar nga Paneli i Apelit. “Për hir të plotësisë lidhur me efektivitetin e ankesave në gjyqin për krime lufte ndaj Hashim Thaçi: Mbrojtja në këtë gjykim tashmë ka paraqitur, 40 ankesa ndërmjetëse. Paneli i Apelit deri më tani i ka refuzuar të gjitha. Kjo do të thotë 0 nga 40 përgjatë pesë viteve e gjysmë”, ka shkruar Mishetiq. Gjykimi ndaj ish-krerëve të Ushtria Çlirimtare e Kosovës Hashim Thaçit, Kadri Veseli, Jakup Krasniqi dhe Rexhep Selimi ka nisur zyrtarisht më 3 prill 2023 në Hagë. Sipas kalendarit të publikuar nga gjykata, vendimi ndaj katër ish-udhëheqësve të UÇK-së pritet të shpallet më 20 korrik 2026. Ndërkohë, Zyra e Prokurorit të Specializuar ka kërkuar dënim me nga 45 vjet burgim për secilin prej tyre, kërkesë që është kundërshtuar fuqishëm nga ekipet mbrojtëse.
