Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bajrush Xhemaili, ish-i burgosuri politik, ka zbuluar detaje tronditëse mbi torturat dhe përndjekjet që ka përjetuar gjatë periudhës së tij si i fshehur. Xhemaili ka përshkruar Bashkim Kursanin dhe Lutfi Ajazin si dy nga ndjekësit më të egër të tij gjatë kohës që ishte në kërkim nga organet e Sigurimit të Shtetit. Ai ka kaluar 14 muaj i fshehur për të shmangur kapjen, përpara se të arrestohej në Prishtinë. Bashkim Kursani dhe Lutfi Ajazi, të cilët ai i ka identifikuar si pjesë të UDB-së, ishin përgjegjës për torturat e tij më të egra. Xhemaili i përshkroi ata si “pa shpirtë dhe mizorë,” duke theksuar se trajtimi që kishte përjetuar nga ata ishte jashtëzakonisht brutal. Adem Imeri, një tjetër figurë e njohur nga periudha e UDB-së, ishte i angazhuar në tortura, por nuk mund të krahasohej me brutalitetin e Kursanit dhe Ajazit. Ai ka përmendur se këta dy individë i kishin shkaktuar më shumë dhimbje dhe tortura, duke e përshkruar se si kishin përdorur metoda mizore, gjatë gjithë periudhës së burgosjes dhe përndjekjes.
