Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryeministër nga radhët e PDK-së, Bedri Hamza, ka falënderuar qytetarët e Kosovës për realizimin e qetë dhe të rregullt të procesit zgjedhor të 7 qershorit. Në një konferencë për media, Hamza tha se PDK ka pritur rezultat më të lartë, por theksoi se partia është duke pritur ende rezultatin përfundimtar të zgjedhjeve. “Unë i uroj të gjitha partitë politike për rezultatin. Për PDK-në rezultati është ky që është, sigurisht kemi pritur më shumë dhe kemi mundur më shumë. Nëse i referohemi mandateve në Kuvendin e Kosovës, pres që numri i deputetëve të jetë pak më i madh se në mandatin paraprak, megjithatë po presim përfundimin e procesit zgjedhor”, u shpreh Hamza. Ai shtoi se zgjedhjet kanë qenë të lira, por sipas tij jo plotësisht të drejta dhe të barabarta, duke theksuar përdorimin e parasë publike gjatë fushatës. Hamza po ashtu vlerësoi se abstenimi i qytetarëve nga votimi është një mesazh i qartë për skenën politike në vend. Ndër të tjera, ai konfirmoi se PDK do të mbajë zgjedhje të brendshme gjatë këtij viti.
