Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, Bedri Hamza, ka pritur në takim drejtoreshën e National Democratic Institute në Kosovë, Nancy Soderberg, me të cilën ka diskutuar për zhvillimet politike në vend dhe proceset demokratike. Gjatë takimit, Hamza vlerësoi kontributin e NDI-së në forcimin e demokracisë dhe zhvillimin e kapaciteteve institucionale në Kosovë, duke shprehur mirënjohje për mbështetjen që kjo organizatë i ka ofruar PDK-së ndër vite. Në fokus të bisedës ishin edhe zhvillimet politike pas certifikimit të rezultateve të zgjedhjeve të përgjithshme, ku Hamza theksoi se Kosova ka nevojë për institucione funksionale që do të përqendrohen në zhvillimin ekonomik dhe avancimin e procesit të integrimit në Bashkimin Evropian. Kryetari i PDK-së informoi gjithashtu përfaqësuesit e NDI-së lidhur me përgatitjet për zgjedhjet e brendshme të partisë, ndërsa drejtoresha Nancy Soderberg shprehu gatishmërinë për vazhdimin e bashkëpunimit me PDK-në edhe në të ardhmen.
