Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bekim Jashari, djali i dëshmorit Hamëz Jashari, i cili në zgjedhjet e 22 tetorit ka vendosur t’i futet politikës, duke garuar kështu si i pavarur për kryetar të Skenderajt, ka thënë se familja e tij nuk do që të identifikohet me asnjë parti politike. Jashari ka mirëpritur vendimin e Partisë Demokratike të Kosovës, për të përkrahur kandidimin e tij, por se ka shtuar se pavarësisht se në dhjetë vitet e fundit ka pasur oferta nga shumë parti politike, emri i familjes Jashari nuk do të identifikohet me asnjë prej tyre. “Siç e dinë Skenderaj është bastion i PDK-së por unë dua t’i falënderoj zyrtarët e kësaj partie. Ofertat kanë qenë në dhjetë vitet e fundit nga shumë parti si në ato lokale ashtu edhe në qendrore por emri i familjes Jashari nuk do ta rreshtojmë në asnjë parti politike”, ka thënë Jashari për Televizionin 21.
