Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i PDK-së, Betim Gjoshi, ka deklaruar se qytetarët serbë të cilët sot janë duke e nënshkruar peticionin për shkarkimin e kryetarit të Mitrovicës së Veriut, Erden Atiq janë duke u prirë nga Goran Rakiqi dhe Igor Simiqi. Ai ka konstatuar se kryeministri Albin Kurti është në koordinim me Beogradin dhe Listën Serbe. Këtë por e tregojnë fotografitë nga Mitrovica e Veriut, ku qytetarëve serbë të cilët po nënshkruajnë peticionin po u prijnë Goran Rakiqi e Igor Simiqi. Ky fakt do të mbahet mend përgjithmonë, se ky proces është i dirigjuar nga Beogradi dhe ka aprovimin e kryeministrit të Kosovës, Albin Kurti, partia e të cilit është zënë duke u koordinuar në prapaskenë me Listën Serbe e super-kriminelin Milan Radojçiq dhe këtu bëhet fjalë për një marrëveshje. Kryeministër, nuk ka nevojë as për pyetje dhe as për sqarime. Gjithçka po duket e qartë si kristali: Ju jeni në koordinim me Beogradin dhe Listën Serbe. Kryeministër, fotografitë nga veriu i Kosovës tregojnë koordinimin dhe marrëveshjen tënde, që t’ia merrni mandatin kryetarëve që nuk janë të Listës Serbe, ka shkruar Betim Gjoshi.
