Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e PDK-së, Blerta Deliu deklaroi se Qeveria po kërcënon mediat me kontroll, duke iu referuar ndryshimeve që synon t’i bëjë në projektligjin që parasheh rregullimin e mediave online. Ajo tha në Kuvend se kjo “i hap rrugë autoritarizmit dhe censurës”. “Këto ndryshime dekurajojnë gazetarët të raportojnë për çështje me interes publik nga frika e hakmarrjes shtetërore të cilën e kemi pa disa herë. Për më tepër, kontrolli shtetëror i medias minon edhe aspiratën e Kosovës për integrim në Bashkimin Europian. Blerta Deliu kërkoi që Qeveria ta rishikojë e ta rishqyrtojë propozimin e saj për ta kontrolluar median online. Projektligj për Komisionin e Pavarur të Mediave, është miratuar nga Qeveria më 27 dhjetor të vitit të kaluar, dhe është dërguar për miratim në Kuvendin e Kosovës. Ky hap i Qeverisë Kurti është konsideruar përpjekje e re e saj që t’i sulmojë mediet, sidomos ato që kritikojnë Qeverinë me gjuhën e fakteve dhe që zbulojnë skandale, korrupsion dhe abuzime të ndryshme nga zyrtarët aktualë.
