Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i diplomacisë së Bashkimit Evropian, Jozef Borell ka theksuar se marrëveshja e arritur mes Kosovës dhe Serbisë në Ohër ,do të hyjë në fuqi në një mënyrë tjetër. Ai ka treguar se pala e Kosovës ka pranuar ta nënshkruaj këtë marrëveshje por ka qenë presidenti i Serbisë që nuk ka pranuar asesi ta nënshkruaj këtë marrëveshje. “Fillimisht kemi propozuar një aneks më ambicioz, por palët nuk kanë arritur një pajtim mbi atë version. Në njërën anë, sepse besoj që Kosova nuk ka pasur fleksibiltet sa i përket substancës, dhe në anën tjetër, Serbia ka theksuar në parim që të mos nënshkruaj, edhe pse është e gatshme të implementojë. Pra marrëveshje konsiderohet e miratuar me një deklaratë që do të publikohet. Më besoni përkundër faktit që një tekst më ambicioz është propozuar në fillim, ajo mbi të cilin janë dakorduar palët, dhe zbatimi i saj përmes aneksit do të bëhet pjesë përbërse drejt rrugëtimit të tyre evropian”, tha Borrell sipas përkthimit zyrtar të deklaratës së tij.
