Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti i shquar nga Shtetet e Bashkuara të Amerikës, Jonusz Bugajski ka shkruar se Uashingtoni dhe Brukseli zyrtar duhet të jenë më të vendosur në kundërshtimin e Beogradit për dominim në Ballkanin Perëndimor. Në shkrimin autorial për The Geopost, ai ka shkruar se “ për ta minuar udhëheqjen e SHBA-së në bllokun e pavarësisë, Moska inkurajon konfliktet rajonale. Ajo përfiton nga përfaqësuesit dhe bashkëpunëtorët si Hamasi, Hezbollahu dhe regjimi iranian për të kryer sulme terroriste dhe për të ndezur luftëra në Lindjen e Mesme. Ajo inkurajon regjimin e Vuçiqit dhe bashkëpunëtorët e saj në Bosnje-Hercegovinë, Kosovë dhe Mal të Zi për të destabilizuar qeveritë e pavarura dhe për të krijuar probleme për Uashingtonin në Ballkanin Perëndimor. Dhe ajo mbështet Korenë e Veriut në qëndrimin e saj kërcënues bërthamor ndaj Koresë së Jugut dhe Japonisë” ka shkruar mes tjerash, analisti i shquar, Janusz Bugajski, ai ka shkruar më tutje se humbja e Rusisë do t’i dobësoj ambiciet antiperëndimore edhe të shteteve tjera, sikur janë Kina, Serbia, Koreja e Veriut, Irani e shtete tjera.
