Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vendimi i gjykatës supreme të Spanjës për burgosjen e nëntë liderëve katalanas, ka shkaktuar protesta masive në Barcelonë. Përveç protestave disa ditore, ka filluar edhe një grevë e përgjithshme, e cila ka ndikuar që të bllokohet Barcelona dhe ka nxitur manifestimin e zemërimit të katalonasve ndaj Spanjës, nga e cila kërkojnë të ndahen. Dhjetëra e mijëra demonstrues hynë në qytet duke ndaluar tramvajet dhe bllokuar rrugët. Vendimi i gjykatës supreme për të burgosur nëntë liderë separatistë katalanas është duke shkaktuar episodet më të rënda të dhunës nëpër rrugët e Spanjës, në dekada të tëra. Barrikadat u dogjën dhe shishe me benzinë u hodhën ndërkohë që protestat mbërthyen qendrën e Barcelonës Të paktën 96 vetë u plagosën pasi protestat u përhapën në të gjitha rajonet veri lindore të Spanjës. Barrikadat u dogjën dhe shishe me benzinë u hodhën ndërkohë që protestat mbërthyen qendrën e Barcelonës. Protestat kanë marrë përmasa të tilla që kanë çuar edhe në shtyrjen e të famshmes El Clasico mes Barcelonës dhe Realit të Madridit, ndeshje e cila ishte paraparë të zhvillohet më 26 tetor por është shtyrë për më vonë.
