Çavushoglu: Ne duhet të angazhohemi që të ketë edhe eksport të Kosovës në Turqi

Duke folur për marrëdhëniet ekonomike në mes të Kosovës dhe Turqisë, krye diplomati turk,  Mevlut Çavushoglu ka theksuar se duhet të ketë edhe eksport të prodhimeve të Kosovës në Turqi dhe ne duhet të angazhohemi për këtë. Gjithashtu duhet të rriten edhe investimet e Kosovës në Turqi. “Ne duhet t’i mbledhim edhe forumet biznesore dhe t’i takojmë biznesmenët tanë për këtë” theksoi ministri i Punëve të Jashtme të Turqisë, Mevlut Çavushoglu. Ai paralajmëroi se shteti i tij është i gatshëm të investoj në fushën energjetike në Kosovë. “Në fushën e energjetikës, kompanitë tona janë të gatshme të investojnë dhe nuk duan garanci të blerjes. Financimin do ta bëjmë vetë dhe për një vit do ta kryejmë. Besoj që në investime të tilla kanë interesim firma të fuqishme në mënyrë që të prodhojnë elektricitet dhe Kosova të eksportojë rrymë në një të ardhme të afërt” deklaroi mes tjerash, ministri i Punëve të Jashtme të Turqisë, Mevlut Çavushoglu.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …