Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nesër, më 5 tetor 2018, duke filluar në orën 11:00 në Kompleksin memorial, në Marinë të Skenderajt, do të mbahet Ceremonia përmbyllëse e rivarrimit të eshtrave të dëshmorëve Zonës Operative të Drenicës, në varrezat e Kompleksit Memorial, në Marinë. Në këtë ceremoni do të jenë të pranishëm: Udhëheqësit më të lartë shtetërorë, familjarët e dëshmorëve, bashkëluftëtarë të dëshmorëve, shoqatat e dala nga Lufta e UÇK-së, të ftuar të veçantë si dhe qytetarë të shumtë nga rajoni i Drenicës e më gjerë. Në mesin 154 Dëshmorëve të kombit, të cilët do të pushojnë në përjetësi, në Kompleksin e Marinës, do të jenë edhe katër dëshmorët të komunës së Lypjanit. Qamil Hysni Olluri, Isa Adem Olluri dhe Enver Zymer Olluri, të tre nga fshati Krojmir si dhe Bashkim Krasniqi nga fshati Zllakuqan, të cilët kanë rënë në Zonën e Pashtrikut, më 14 dhjetor të vitit 1998.
