Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
1. Mësues, katër vite, në Keqekollë.
2. Referent në “Ramiz Sadiku”, një vit.
3. Telegrafist, dhe punë në radion e ushtrisë Jug. M-103, një vit. Ishte përvojë që më ndihmoi në jetë!
4.Gazetar në Redaksinë e Kulturës, R. Prishtinë, tetë vjet.
5. I burgosur i ndërgjegjes: Prishtinë, 2 vjet, Prokupje 3 vjet, Nish 4 vjet, 97% izolim (burg në burg).
6. Ushtrues i detyrës së thyerjes së burgut 7 muaj.
7. I lidhur në hekura natë e ditë 3,5 muaj, në çelinë nr.3 ku e vranë mësuesin, Fazli Greiçevci. (Një krahasim: Aziz Sekiraça i Koliqit në burgun e krajlit ka nejtë 14 vjet i lidhur në pranga, për vrasjen e gjandarit.)
8. Reporter për Radio Zagrebin, nga Tirana, tre muaj e gjysmë.
9. Mjeshtër në ndërtimtari (Gjermani) 7 vjet.
10. Themelues i Bashkësisë Shqiptare në Gjermani, me preferencën e Adem Demaçit.
11. Udhëheqës i komisionit të 3% në Bajern.
12. Ushtar vullnetar në UÇK , rreth 1 vit e gjysmë.
13.Një nga themeluesit dhe reporter i Radios “Kosova e Lirë”, në luftë. Përgjegjës e realizues i transmetimit në terren.
14. Mjeshtër toni, i radios “Kosova e lirë”.
15. Fotoreporter i luftës së lavdishme të UÇK-së.
16. Projektues dhe ndërtues i bunkerit të Radios “Kosova e lirë”.
17.Disa muaj raportues i Dojçe Veles, nga lufta.
18. Ushtrues i dëtyrës së drejtorit të RTK-së në themelim, 6 muaj pas luftës, për shkak të jombarëvajtjes dha dorëheqje. Pa pagesë!
19.Mjeshtër në ndërtimtari (Gjermani), 13 vjet.
20.Themelues i LSHAKSH në Gjermani me ca shokë.
21. Shkrimtar i lodhtë, (thonë Llapi), për fëmijë dhe për të rritur, gjatë tërë jetës.
22. Anëtar nderi i LSHAKSH në Gjermani.
23. Anëtar nderi i LSHK të diasporës.
24. Pensionist i merituar.
25. Veteran “i rrejshëm”, kohëve të fundit.
26.Pres të pushoj në Atdhe, po, atje vetëm Zoti e di çka do të punoj!
Juaji,
Martini i Çunajve të Ujzit
Te Ura e Fshajt në Has të Dukagjinit,
Rritur në Keqekollë e
Frymëzuar nga Pjetër Bogdani …
E Adem Demaçi që nga fëmijëria.
(“Gjarpijtë e gjakut” i kam lexuar si nxënës i klasës së shtatë fillore. Dy “Jeta e re” m`i dha hoxha, Iilaz Sekiraça, i Prapashticës. tash i ndjerë).
