Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dekreti i ish-kryetarit të Kosovës, Hashim Thaçi lidhur me ambasadën e Kosovës në Izrael nuk specifikonte qytetin se ku do të vendosej ambasada, në Tel Aviv, aty ku janë të gjitha ambasadat e shteteve të botës, të cilat e kanë njohur Izraelin apo në Palestinën e pushtuar ushtarakisht nga ky shtet. Në dekretin e nënshkruar nga ish kryetari, Hashim Thaçi më 27 tetor 2020, thuhet se “Themelohet misioni diplomatik i Republikës së Kosovës, në nivel të Ambasadës në Shtetin e Izraelit”. Pika dy e këtij dekreti thotë se “Udhëzohet Ministria e Punëve të Jashtme dhe Diasporës e Republikës së Kosovës që të ndërmarrë të gjitha veprimet e nevojshme për zbatimin e këtij dekreti”. Statusi i Jerusalemit është një nga pengesat më të mëdha për arritjen e një marrëveshjeje paqësore midis Izraelit dhe Palestinës. Bashkimi Evropian, Organizata e Kombeve të Bashkuara dhe vendet arabe ishin alarmuar nga vendimi i ish-kryetarit amerikan, Donald Trump për ta zhvendosur Ambasadën amerikane, në Jerusalem.