Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Delegacionet e Kosovës dhe të Serbisë takohen sot në Bruksel, ku do të diskutohet lidhur me zbatimin e marrëveshjeve të arritura deri tani. Zyrtarët e Bashkimit Evropian thanë me këtë rast se në radhën e re të takimeve të kryenegociatorëve të Kosovës e Serbisë, Besnik Bislimi dhe Petar Petkoviq, do të diskutohet edhe për çështjet e hapura, ndërsa nga zyra e kryeministrit të Kosovës thonë se, temat e diskutimit në takimin bilateral do të jenë çështja e të zhdukurve, e energjisë dhe lëvizja e lirë”, ndërkaq “data për takimin e mundshëm për dialogun në nivel politik ndërmjet liderëve varet nga rrjedha e procesit dhe dakordimi për çështjet në nivel kryenegociatorësh”. E ashtuquajtura zyrë e Qeverisë së Serbisë për Kosovën, thotë se në takimin e sotëm ekipi serb kryesohet nga drejtori i kësaj zyre, Petar Petkoviq, dhe tema kryesore e bisedimeve do të jetë krijimi i Asociacionit të Komunave me shumicë serbe.
