Dëme të konsiderueshme nga breshëri në Skenderaj

02/08/2016 Institucionet

Breshëri që ka rënë gjatë pasdites së hënë në territorin e Komunës së Skenderajt ka shkaktuar dëme të konsiderueshme në disa fshatra. Sipas vlerësimeve fillestare dëmet janë të mëdha sidomos në bujqësi duke përfshirë; sipërfaqet e mbjella me misër, me pemë dhe perime, me qepë dhe në serra. Por ende nuk dihet saktësisht vlera e dëmeve të shkaktuar.

Komuna e Skenderajt tashmë ka formuar Komisionin përkatës për vlerësimin e dëmeve  i cili do të mbledh të dhëna të sakta në lidhje me dëmet e shkaktuara. Ndërkohë edhe fermerët kanë filluar që në mëngjesin e së martës të raportojnë për dëmet e shkaktuar në pronat e tyre bujqësore.

Komuna e Skenderajt, pas mbledhjes së të dhënave për dëmet e shkaktuar nga breshëri, do të bëjë raportin e vlerësimit të dëmeve, raport ky që do t’i drejtohet Ministrisë së Bujqësisë, bashkë me kërkesën për kompensimin e dëmeve.

Fshatrat më të prekura nga reshjet e breshrit janë: Polaci, Prekazi, Prelloci, Kozhica, Çirezi, Krysheci, një pjesë e qytetit të Skenderajt, e të tjera.

Breshëri që ka rënë në Skenderaj ka qenë shkatërrues për shkak të sasi së madhe, kohëzgjatjes së rënies dhe për shkak të madhësisë së tij.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara