Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i PDK-së, Ferat Shala, deklaroi se Qeveria me vendim arbitrar po ndërhyn në Komisionin për Miniera dhe Minerale. Ai tha se Qeveria e Kosovës, me vendimin e datës 15 korrik 2024, në pikën tre ndërhyn në mënyrë flagrante duke obliguar Komisionin për Miniera dhe Minerale, që të shkel ligjin në procesin e dhënies së licencave për “Trepçë”. Rikujtojmë se KPMM-ja i përgjigjet Kuvendit dhe në asnjë mënyrë ekzekutivit – Qeverisë. Kjo çështje është e ndarë me ligj, me qartësi të plotë juridike. Si rezultat i këtyre ndërhyrjeve të Qeverisë, KPMM-ja bënë shkeljet ligjore të radhës. Ligji për Miniera dhe Minerale, neni 4, përcakton se; “asnjë person nuk mund të ushtrojë aktivitete të hulumtimit, shfrytëzimit dhe/ose përpunimit të resurseve minerale ose çfarëdo aktiviteti tjetër pa licencë ose leje të lëshuar nga KPMM-ja, në përputhje me këtë ligj, ka konstatuar mes tjerash, deputeti i PDK-së, Ferat Shala.
