Deputetja e Partisë Demokratike të Kosovës, Safete Hadergjonaj, duke folur për rishikimin e buxhetit në Kuvend, ka theksuar se janë bërë ndryshime të domosdoshme për të pasur një buxhet në mënyrë reale. Ajo ka thënë se si grup parlamentar i PDK-së i vlerësojnë përmirësimet që janë bërë në rishikimin e buxhetit, raporton “Epoka e re”. “Vërejmë se nuk ka ndryshim tek të hyrat dhe ka një performancë pozitive të hyrave qoftë në Doganë dhe në ATK. Me këtë rishikim të buxhetit është ulur disbalanca dhe deficiti buxhetor, pra është sipas rregullave fiskale. Ne si grup parlamentar e përkrahim rishikimin e buxhetit. Grupi parlamentar i PDK-së do të japë kontributin maksimal edhe në Komisionin për Buxhet dhe Financa në mënyrë që buxheti të jetë në përputhje me mirëqenien e qytetarëve”, ka thënë Hadergjonaj.