Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Bashkimit
Demokratik për Integrim, Ermira Mehmeti ka njoftuar për ngrirjen e aktivitetit
të saj në këtë parti. Duke i quajtur bashkë-partiakët e saj si ‘hiena’,
deputetja Mehmeti ka thënë se çdo përpjekje e saj për reformimin e partisë, ka
hasur në pengesa, kundërshtime dhe goditje të ulëta. “Të kapur pas funksioneve
sikur t’ua kishte bërë nëna, të përjetshmit e kuptuan si kërcenim personal
nevojën për reformim të partisë. Çdo tentim për të shpjeguar se partia është
organ kolektiv dhe nuk i takon askujt personalisht, ata e kuptonin si cenim
ndaj privilegjeve personale”, thuhet në postimin e afishuar në Facebook nga
deputetja, Mehmeti. Përndryshe, Ermira Mehmeti është një nga anëtaret dhe
funksionarët më të vjetër të BDI-së. Ajo për disa vite ishte zëdhënëse e
partisë dhe femra e vetme shqiptare bartëse e listës dy herë, në njësinë e parë
dhe në njësinë e dytë zgjedhore.
