Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesoresha e Çështjeve Ndërkombëtare dhe Publike në Universitetin Columbia në Nju Jork, Tanya Domi ka vlerësuar se Shteteve të Bashkuara të Amerikës i duhet një qasje e re diplomatike në dialogun për normalizimin e marrëdhënieve mes Kosovës dhe Serbisë, që do të mund të përfshinte sanksionet për aktorët jokonstruktivë. Ajo ka thënë për Radion Evropa e Lirë se ka pasur një zhgënjim me politikën e jashtme të administratës Biden, kur bëhet fjalë për Kosovën, pavarësisht mbështetjes së tij historike për të. “Mendoj se SHBA-ja ka një trashëgimi në Ballkan, sidomos në Kosovë dhe në Bosnje. Administrata aktuale nuk është angazhuar në ndërmarrjen e ndonjë nisme diplomatike. Mendoj se kjo duhet rishikuar. Unë do të rekomandoja fuqishëm një angazhim të ri diplomatik në rajon” ka thënë në mes tjerash, ekspertja amerikane për Ballkanin, profesoresha e Çështjeve Ndërkombëtare dhe Publike në Universitetin Columbia në Nju Jork, Tanya Domi.
