Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dy kongresistë të Shteteve të Bashkuara, republikani Keith Self dhe demokrati Suhas Subramanyam, pritet të mbërrijnë në Kosovë të martën, si pjesë e një vizite në rajonin e Ballkanit Perëndimor. Ata kanë zhvilluar më herët takime në Bosnje dhe Hercegovinë dhe në Serbi, ku janë diskutuar çështje që lidhen me stabilitetin rajonal dhe mbështetjen e SHBA-së për Marrëveshjen e Dejtonit. Gjatë vizitës në Kosovë, kongresistët takohen me përfaqësues institucionalë, në një moment kur theksohet rëndësia e bashkëpunimit me Shtetet e Bashkuara në fushën e sigurisë dhe mbrojtjes. Në fund të prillit, Self dhe disa kolegë të tij në Kongres kanë propozuar një rezolutë dypartiake që synon të mbështesë rrugën e Kosovës drejt NATO-s. Dokumenti thekson se qeverisja demokratike, kontrolli civil i forcave të sigurisë dhe bashkëjetesa shumetnike në Kosovë përbëjnë argumente të forta për anëtarësim në aleancë. Vizita vlerësohet si sinjal i vazhdueshëm i interesimit amerikan për stabilitetin dhe perspektivën euroatlantike të Kosovës.
