Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, as kësaj radhe nuk ka ngurruar t’ua thotë hapur zyrtarëve të Bashkimit Evropian, se ata po tregohen shumë të kujdesshëm me Serbinë, sepse shqiptarët nuk e kanë përkrahjen e Rusisë. Sipas një njoftimi për media të lëshuar nga Zyra e Kryeministrit shqiptar, gjatë seancës së pyetje përgjigjeve në Samitin e BERZH në Londër kryeministri Edi Rama pati një shkëmbim batutash me kryeministrin e Serbisë, Aleksader Vuçiç. Kryeministri Rama tha se BE nuk po i liberalizon vizat për Kosovën, dhe Shqipërisë po i thotë se ju jeni duke ecur mirë, por ende keni për të bërë, dhe e gjithë kjo se shqiptarët nuk e kanë një vend tjetër të fortë mik, siç e ka Serbia Rusinë. “BE është më e kujdesshme ndaj tyre sesa ndaj nesh, sepse ne nuk kemi prapa Rusinë. Kështu, ata ende nuk liberalizojnë vizat për qytetarët e Kosovës, neve na thonë ju jeni duke ecur shumë mirë, por keni ende për të bërë, ndërsa Vuçiq fluturon në Rusi dhe merr hapjen e negociatave”, ka thënë Rama.
