Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, i cili po qëndron për një vizitë zyrtare katër ditore në Japoni, në kuadër të 42-vjetorit të vendosjes zyrtare të marrëdhënieve diplomatike mes dy vendeve, mori pjesë në seminarin e organizuar nga Dhoma e Tregtisë dhe Industrisë së Japonisë. Kryeministri gjatë këtij seminari prezantoi vizionin “Shqipëria 2030” si edhe sektorët me interes për rritjen e volumit tregtar dhe investimet japoneze në Shqipëri. Në seminar ishin të pranishëm disa prej sipërmarrësve shqiptarë të produkteve që tashmë ndodhen në tregun japonez. Kryeministri Rama dhe delegacioni që e shoqëron do të zhvillojnë një sërë takimesh, në kuadër të forcimit dhe thellimit të bashkëpunimeve mes dy shteteve, duke rikonfirmuar miqësinë mes dy vendeve, si edhe angazhimin e ndërsjellë për zhvillimin e mëtejshëm të bashkëpunimit në sferën dypalëshe dhe shumëpalëshe, në përballimin e sfidave së bashku si miq dhe aleatë që ndajnë të njëjtat vlera. (ATSH)
