Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori amerikan Edward P. Joseph ka kritikuar klasën politike në Kosovë për mungesën e konsensusit institucional, duke vlerësuar se bllokada politike po dëmton zhvillimin demokratik të vendit. Sipas tij, përgjegjësinë kryesore e mban kryeministri në detyrë, Albin Kurti, pasi udhëheq shumicën parlamentare, por theksoi se përgjegjësi mbajnë edhe të gjithë liderët e tjerë politikë. Joseph u bëri thirrje qytetarëve që t’i ndëshkojnë me votë të gjithë liderët që nuk arrijnë të gjejnë një konsensus, duke theksuar se kjo situatë po i shkakton dëm Kosovës. Ai vlerësoi se ngërçi aktual nuk e rrezikon stabilitetin e shtetit, pasi Kosova mbetet një vend dhe demokraci e qëndrueshme, por shtoi se bllokada përbën një shembull të keq për zhvillimin demokratik. Profesori amerikan ritheksoi mbështetjen e tij për Kosovën dhe anëtarësimin e saj në NATO, duke theksuar se situata aktuale politike nuk i shërben avancimit demokratik të vendit.
