Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes, Ejup Maqedonci deklaron se vendi është në rrezik nga kërcënimet e vazhdueshme të Serbisë, pasi kjo e fundit po mbështet grupet e armatosura paramilitare. Ai thotë se Serbia ka dislokuar tri brigada ushtarake në jug të territorit të saj dhe përgjatë vijës kufitare me Kosovën ka vendosur 48 baza operative . Në një intervistë për Kosovapress ai deklaron se Bashkimi Evropian po heziton të sanksionojë Serbinë për aktin e agresionit në Banjskë të Zveçanit. Ministri Ejup Maqedonci ka folur edhe për furnizimin me armatim dhe pajisje ajrore, duke paralajmëruar se blerja e helikopterëve është paraparë edhe në periudhën 2025-2028. Zhvillimi i Forcës së Sigurisë së Kosovës po bëhet në përputhje me standardet e NATO-s. Në aspektin e mbrojtjes, në aspektin e përgatitjes të fushës së mbrojtjes, ne me të vërtetë mund të them lirisht që jemi shumë afër NATO-s. Mirëpo, dihet që vendimi për të qenë pjesë e NATO-s është vendim politik dhe që ndërlidhet me hezitimin e disa vendeve mos-njohëse të Republikës së Kosovës për të përkrahur këtë iniciativë, ka saktësuar, ministri Ejup Maqedonci.
