Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-komandanti i Ushtrisë Çlirimtare të Kosovës për Zonën e Llapit, Fatmir Sopi, dëshmoi në Hagë në gjykimin e krerëve të UÇK-së, Hashim Thaçi, Kadri Veseli, Jakup Krasniqi, dhe Rexhep Selimi. Ai fo;i për përfshirjen e tij në UÇK, organizimin e brigadave, dhe rolin e tij si komandant i Brigadës 153, përgjegjës për mbrojtjen e civilëve në Zonën e Llapit. Në dëshminë e tij, Sopi përmendi një vizitë të Jakup Krasniqit gjatë luftës dhe shprehu keqardhjen që po e sheh atë në gjykatë, duke e kujtuar si zëdhënësin që i dha shpirt UÇK-së dhe frymëzim çdo luftëtari. Ai theksoi se UÇK-ja ishte një ushtri vullnetare me burim nga populli, një projekt i madh shqiptar pas shpalljes së pavarësisë së Shqipërisë. Duke folur për lidhjet me Lidhjen Demokratike të Kosovës, Sopi tha se gjatë kohës së tij nuk kishte përçarje politike brenda UÇK-së, dhe se qëllimi i vetëm ishte lufta çlirimtare. Sopi vazhdon të shërbejë si kryetar i Organizatës së Veteranëve të Luftës së UÇK-së, dega në Prishtinë.
