Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Turqisë, Rexhep Tajip Erdogan, gjatë një konference për media në Beograd, ka deklaruar se është i kënaqur me marrëveshjen e arritur mes Kosovës dhe Serbisë sa i përket kalimit të kufijve me letërnjoftim. Duke folur për tensionet që ishin ngritur para dialogut mes Prishtinës dhe Beogradit, Erdogan tha se Ankaraja zyrtare mbështet bisedimet dhe i vjen mirë që janë ulur tensionet. Ai para homologut serb, Aleksandar Vuçiq, theksoi edhe një herë qëndrimin e Turqisë sa i përket njohjes së Kosovës – duke thënë se është i kënaqur që Kosova dhe Serbia kanë arritur marrëveshje për letërnjoftimet. Jemi shumë të kënaqur me arritjen e marrëveshjes për kalimin e kufijve me letërnjoftim mes Kosovës dhe Serbisë. Sa i përket targave të veturave – shpresoj që do të arrihet marrëveshje në një të ardhme të afërt – si dhe për shumë çështje tjera”, saktësoi Erdogan.
