Limak Kosovo
Fillimi / Lajmet / Është ndarë nga jeta sot njëri prej dëshmitarëve kryesor të masakrës së Rezallës, Misin Deliu
Është ndarë nga jeta në mëngjesin e sotëm njëri prej dëshmitarëve kryesor të masakrës së Rezallës, Misin Deliu

Është ndarë nga jeta sot njëri prej dëshmitarëve kryesor të masakrës së Rezallës, Misin Deliu

Ka vdekur njëri prej dëshmitarëve kryesor të masakrës së Rezallës, Misin Deliu. Këtë e ka bërë të ditur përmes një shkrimi deputetja e PDK-së, Blerta Deliu-Kodra. Misin Deliu i kishte shpëtuar pushkatimit masiv që forcat serbe kishin bërë në fshatin Rezallë. “Para pak ditësh kur po diskutoja në kuvend për themelimin e një Tribunali për të dënuar krimin dhe gjenocidin serb, potencova disa nga dëshmitë rrënqethëse të Masakresës së Rezallës. Njëri prej dëshmitarëve kryesor që i shpëtoi masakrës së 5 prillit, Misin Deliu, mëngjesin e sotëm paska ikur në amshim. Baca Misin, ky burrë i urtë e i dashur, edhe pse ishte plagosur tri herë, i kishte mbijetuar pushkatimit masiv që bëri Serbia në Rezallë dhe kishte rrëfyer dëshminë rrënqethëse të krimit e gjenocidit serb. Misini ishte dëshmitari kryesor që kishte dhënë dëshminë e tij në Prokurorinë Speciale ndaj dy gjeneralëve serb, Lubisha Dikoviq dhe Dejan Rangjelloviq. Kosova më shumë se kurrë ka nevojë për drejtësi, njohje te krimeve dhe dënim të kriminelëve, prandaj nuk ka rrugë tjetër përveq zbardhjes të së vërtetës së dhimbshme”, ka shkruar ajo.

Kontrolloni gjithashtu

Josep Borrell

Borell: Marrëveshja Kosovë-Serbi është vendimtare edhe për Bashkimin Evropian

Shefi për Politikë të Jashtme të Bashkimit Evropian, Josep Borrell ka vlerësuar se arritja e ...