Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike të Kosovës, Evgjeni Thaçi-Dragusha, nëpërmjet një postimi në profilin e saj zyrtar në rrjetin social, ka thënë se Vetëvendosje ka gabime të mëdha përgjatë viteve ndaj vendit. ”Kosova nuk i ka borxh askujt, e aq me pak Lëvizjes Vetëvendosje. Bile kjo e fundit, historikisht ka mëkate të mëdha ndaj vendit dhe qytetareve. Vonesa në formimin e qeverisë është sabotimi i fundit që po i bëhet shtetit tonë, dhe atë në stilin me të ulët, me cinizëm, ironi e vrazhdësi, duke fshehur kështu frikën nga marrja e përgjegjësisë dhe llogaridhënia për premtimet e bëra përtej çdo realiteti. Paraliza në të cilën është futur vendi, po shkakton dëme të mëdha financiare, politike e sociale, e që do të na faturohen të gjithëve, si për 74% të qytetarëve që kemi votuar parti të tjera, njëjtë edhe për 26% që besuan në utopinë që do të sillnin njerëzit të cilët flamurin e Kosovës e respektojnë vetëm kur fillojnë të marrin paga nga buxheti shtetëror”, ka shkruar ajo.
