Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
21 organizata të shoqërisë civile kanë dalë me një reagim të përbashkët pas tragjedisë në Kolovicë, ku humbën jetën dy fëmijë të familjes Mramori. Në deklaratën e përbashkët thuhet se dorëheqja e ish-drejtorit të Inspektoratit komunal të Prishtinës, Xhelal Sveçla, është parim mbi të cilin duhet të veprojë çdo zyrtar në raste të ngjashme, por ajo nuk është e mjaftueshme. Ata kanë kërkuar përgjegjësi penale, përderisa i kanë bërë thirrje Prokurorisë së Shtetit që të përshpejtojë hetimet e nevojshme, për të përcaktuar të gjithë ata që mbajnë përgjegjësi për humbjen e jetëve të dy fëmijëve. Tutje në reagim, ky grup i organizatave ka bërë përgjegjëse kompaninë, e cila ka punuar ilegalisht aty si dhe Komunën e Prishtinës, bashkë me Ministrinë e Mjedisit dhe Planifikimit Hapësinor për neglizhimin e përgjegjësive të tyre.
