Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Fatmir Arifi, luftëtari i lirisë, tani profesori në Institutin e Historisë “Ali Hadri” ka reaguar për arrestimet e pjesëtarëve të UÇK-së. Ndër të tjera ai ka shkruar: Qeveria e Maqedonisë së Veriut ka shkaktuar shqetësim të madh me arrestimin e ish-ushtarit të Ushtrisë Çlirimtare të Kosovës, Blerim Ramadani, në pikën kufitare të Jazhincës më 17 korrik 2024. Arrestimi u krye bazuar në një urdhër arresti të lëshuar nga Serbia, një praktikë kjo që është kritikuar vazhdimisht nga autoritetet dhe qytetarët e Kosovës. Ky incident ka ngritur pikëpyetje lidhur me qëndrimin e qeverisë së re të Maqedonisë së Veriut ndaj ish-pjesëtarëve të UÇK-së, dhe bashkëpunimin e saj me Serbinë. Arrestime të ngjashme janë realizuar më parë vetëm nga autoritetet serbe, dhe tani kjo praktikë është përhapur edhe në vendet fqinje.
