Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njëra ndër ngjarjet më të rëndësishme për komunën tonë padyshim se është 29 Gushti, Dita e Dëshmorëve të Hanit të Elezit.
Kjo ngjarje këtë vit shënohet në kuadër të 20 vjetorit të lirisë së Kosovës.
Për liri është dhënë shumë, ku pjesë e sakricës ishte populli shqiptarë duke përfshirë brenda dhe jasht kufijve tanë, gjatë kohës së luftës u krijua një vetëdije mobiluese ndër shqiptarë duke ndihmuar në forma të ndryshme luftën e dinjitetshme qoftë me pjesëmarrje aktive në luftë, qoftë në aspektin logjistik duke e përfshirë edhe disporën dhe familjet shqiptare nga Maqedonia dhe Shqipëria e shumë vende të ndryshme edhe jasht trojeve shqiptare, ku pa hezitim u bëmë një, me të vetmin qëllim për liri të plotë të vendit tonë të larë në gjak.
E tërë kjo rrjedhoje erdhi si pasojë e dhunës dhe pesekutimit të shqiptarëve nga pushtuesi kriminal serb në të gjitha fushat e jetes, duke mbylluar shkollat shqipe, duke burgosur e persekutuar shqiptarët, duke larguar me dhunë shqiptarët nga shtëpit e tyre, me të vetmin qëllim që të kolonizoj tokën tonë autoktone shqiptare, por përpjekja e shqiptarëve gjeneratë pas gjeneratë e pamundësoi planin famëkeq të Sërbisë famëkeqe .
Sakrifica dhe përpjekja shekullore e shqiptarëve padyshim kishte rezultate, por me mertitorët janë dëshmorët dhe viktimat civile ku ngritën në këmbë edhe faktorin ndërkomëbtar, të cilët bashkërisht me forcat e Ushtrisë Çlirimtare të Kosovës arritën ta ndalin gjenocidin serb dhe realizimin e planit të tyre makabër.
Të nderuar të pranishëm, nderimi dhe rrespekti për dëshmorët dhe të gjithë ata që sadopak konitribuan në forma të ndryshme për lirinë që ne dhe brezi i ri po e gëzojmë na bën të ndihemi krenarë e mirënjohës me punë dhe vepra siç kjo e sotmja pjesë e pandashme e historisë sonë kombëtare.
Te nderuar te pranishem, sot, 20 vite më parë ne Puset e Nikës u bë rivarrimi i ushtarëve të vrarë ne fronte te ndryshme te luftes, andaj nga ajo ditë e deri më sot 29 gushti shënohet si Dita e Dëshmorëve te Hanit te Elezit, tani e rradhitur edhe ne kalendarin e festave zyrtare te komunës së Hanit te Elezit.
Krahas 8 dëshmorëve të rënë në luftën e Ushtrisë Çlirimtare te Kosoves, Hani i Elezit dha edhe 7 dëshmorë të tjerë në fronte te tjera te luftrave çlirimtare dhe dhjetë të tjerë gjeten vdekjen si pasojë e dhunës serbe dhe asaj maqedone mbi shqiptarët e kesaj ane.
Pllaka perkujtimore qe do te shpaloset pas pak përkujton te gjithë dëshmorët dhe viktimat civile te luftes ne Han te Elezit nga viti 1991 e këndej.
Të nderuar te pranishëm në emrin tim personal, te komunës së Hanit te Elezit dhe qytetarëve te saj shfrytezoj rastin te falënderoj presidentin Thaqi per vendimin e tij per ti dekoruar me urdhërin Hero i Kosovës të gjithë dëshmorët e Ushtrisë Çlirimtare te Kosovës te Brigadës 164 “Gafurr Loku” .
Lavdi e perjetshme per te gjithë deshmorët e kombit dhe viktimat civile te luftes
Nder dhe rrespekt Ushtarëve te lirisë dhe gjithë atyreve që kontribuan per lirinë e trojeve shqiptare.
