FSK-ja dhuroi 705 doza gjak për qytetarët e Kosovës

Ka përfunduar  aksioni humanitar për dhurimin  e gjakut, i cili u realizua nga data 1 – 12 shkurt 2016, në Ministrinë e Forcës së Sigurisë dhe në të gjitha njësitë e Forcës së Sigurisë së Kosovës (FSK), me moton ”Një pikë gjak për shpëtimin e një jete”. Aksioni u organizua nga Departamenti për Bashkëpunim Civilo-Ushtarak dhe Departamenti i Mjekësisë i MFSK-së dhe u realizua nga  QKTGJK dhe Kompania e Mjekësisë e FSK-së. Ministria dhe FSK-ja kanë traditë në organizimin  e dhurimit humanitar të gjakut. Vetëm gjatë aksionit të parë, për këtë vit,  janë mbledhur mbi 700 doza gjak, të cilat do të jenë në shërbim të të gjithë qytetarëve të cilët kanë nevojë për të.   Pjesëtarët e FSK-së, me këtë aksion kanë dhënë  shembullin më mirë në ndihmë të qytetarëve, i cili  padyshim ka ndikuar edhe në ngritjen  e vetëdijes së qytetarëve për t’iu përgjigjur aksioneve të ndryshme humanitare dhe iniciativave të tilla siç ishte  edhe kjo. Dr. Bahrije Halili-Gjocaj, udhëheqësja e këtij aksioni humanitar u shpreh se pjesëtarët e FSK-së janë shembull për dhurimin vullnetar të gjakut. Ata janë donatorë të rregullt që gjithherë me vullnet i janë përgjigjur këtij aksioni, jo vetëm gjatë organizimeve të rregullta  por edhe jashtë tyre, u shpreh në fund dr. Bahrija. Ndërsa, drejtori i Departamentit për Bashkëpunim Civilo-Ushtarak në MFSK, z. Hajrush Kurtaj, falënderoi pjesëtarët e FSK-së për gatishmërinë e treguar gjatë këtij aksioni, si dhe për gatishmërinë e vazhdueshme që edhe në këtë mënyrë, pra duke dhuruar gjakun e tyre, të i’u dalin në ndihmë qytetarëve të Kosovës.

Kontrolloni gjithashtu

Parlamenti Evropian: Pavarësia e Kosovës është e pakthyeshme, njohja nga të gjitha shtetet e BE-së do të ishte në dobishme

Parlamenti Evropian: Besueshmëria e BE-së po dëmtohet nga mungesa e suksesit në dialogun ndërmjet Kosovës e Serbisë

Parlamenti Evropian në rezolutën  që e miratoi të enjten, konstaton se besueshmëria e Bashkimit Evropian …