Gjykata Speciale

Gjykata Speciale ka kundërshtuar kërkesën për lirimin e Kadri Veselit, Rexhep Selimit dhe Jakup Krasniqit nga paraburgimi

Zyra e Prokurorit të Gjykatës Speciale përmes një shkrese drejtuar gjykatës, ka kundërshtuar lirimin e Kadri Veselit, Rexhep Selimit dhe Jakup Krasniqit nga paraburgimi, pasi paska konstatuar se Policia e Kosovës nuk mund të zbatojë në mënyrë efektive kushtet e propozuara. Sipas shkresës, thuhet se klima e ndërhyrjes në procesin gjyqësor në Kosovë, e dokumentuar në mënyrë gjithëpërfshirëse më parë, nuk është një kujtim i vjetër. “Kohët e fundit u shfaqën akuza se Agjencia Kosovare e Inteligjencës kishte dy agjentë të paraqitur si dëshmitarë për të dhënë dëshmi të fabrikuara që lidhnin kundërshtarët politikë të ish-kryetarit Hashim Thaçi me organizatat terroriste duke shtuar se parashtresat e Policisë së Kosovës për zbatimin e kushteve të lirimit për personat e nivelit të të akuzuarve janë të tejdukshme. Policia  mohon çdo përgjegjësi për dështimet e profilit të lartë në lidhje me Remzi Shalën, Sami Lushtakun dhe Sabit Gecin, duke injoruar pikën se këto incidente tregojnë se figurat e nivelit të lartë kanë fuqinë për të mposhtur kushtet në Kosovë (pavarësisht agjencisë që i zbaton ato)”, thuhet tutje në këtë shkresë.

Kontrolloni gjithashtu

Kosova rikthehet në lobim në SHBA pas më shumë se dy vjetësh

Pas më shumë se dy vjetësh pa kontrata aktive lobimi në Shtetet e Bashkuara të …