Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Punëve të Jashtme të Kroacisë, Gordan Grliq Radman, ka deklaruar se do kontribuojnë në përmirësimin e marrëdhënieve mes shteteve të Ballkanit perëndimor. Radman këto deklarime i bëri përpara takimit të ministrave të jashtëm të BE-së, në të cilin Ballkani Perëndimor është një nga temat kryesore. Diplomati kroat tha se BE-ja duhet të angazhohet më shumë në Ballkanin Perëndimor dhe të ketë një qasje strategjike. Ai theksoi se vendet në rajon duhet të punojnë për transformimin demokratik, të drejtat e njeriut dhe shtetin e së drejtës dhe BE-ja duhet të përmbush premtimet e saj. “Kjo do të thotë hapja e negociatave të pranimit me Maqedoninë Veriore dhe Shqipërinë, liberalizimi i vizave për Kosovën, Mali i Zi duhet të mbetet i përkushtuar në rrugën evropiane dhe Serbia duhet të përqendrohet në reformat dhe kapërcimin e trashëgimisë së luftës,” tha Radman.
