Gruaja Demokratike e Kosovës përmbylli aktivitetet e këtij viti kalendarik

Gruaja Demokratike e Kosovës përmbylli aktivitetet e këtij viti kalendarik

Kryetarja e Gruas Demokratike, Justina Shiroka Pula, në një takim për fund të vitit ka thënë se ndërrimi i moteve shërben për t’u ndalur e për të reflektuar, shërben për të kujtuar çfarë bëmë dhe çfarë duhet të bëjmë. Në praninë e mbi 300 grave të strukturës së Gruas të Partisë Demokratike të Kosovës u shënua përmbyllja e aktiviteteve për vitin kalendarik 2016, si dhe u qartësua vizioni në angazhimet për vitin vijues . Në këtë ngjarje me mirënjohje dhe dhurata simbolike, u nderua e gjithë struktura drejtuese e GD-së, veçanërisht nëntë gra, të cilat ndihmuan shumë në fuqizimin e rolit të gruas. Kryetarja e GD-së, Justina Shiroka Pula, falënderoi të gjithë strukturën drejtuese të GD-së , qoftë të nivelit qendror a lokal, për angazhimin e treguar në fuqizimin e gruas dhe përgjithësisht Partisë Demokratike.

“Sot, u bashkuam për të shënuar një përfundim dhe hapur një fillim të ri. Ndryshimi i motmoteve shërben për këtë gjë. Shërben për t’u ndalur e reflektuar, shërben për të kujtuar çfarë bëmë dhe për të planifikuar se çfarë duhet të bëjmë”, theksoi Shiroka Pula. Më tej, kryetarja Pula, u ndal edhe në objektivat që e presin gruan në vitin e ardhshëm kalendarik , e veçanarisht, angazhimet më të mëdha që i presin, duke e ditur që është vit zgjedhor. “Gruaja Demokratike, në këtë vit, tregoi se është e fortë dhe forca jonë flet vet. Shteti ynë gjithsesi po fuqizohet dhe fisnikërohet me rritjen e ndikimit të rolit të femrave në politikë, shoqëri dhe institucione. Zemra e një femre-nëne, tregon përkushtimin, mirësinë, mëshirën por edhe pasqyron vuajtjen për të tjerët. Këto virtyte, ne si parti në përgjithësi, por edhe si organe të Gruas Demokratike, i kultivuam dhe i bartëm në jetën institucionale.” përfundoi Shiroka Pula.

Kontrolloni gjithashtu

Maja Vukiçeviq, deputetja malazeze shkakton polemika duke votuar kundër anëtarësimit të Kosovës në KE

Maja Vukiçeviq, deputetja proserbe e proruse e Malit të Zi shkaktoi polemika duke votuar kundër …