Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Grupet punuese nga Kosova dhe Serbia për finalizimin e marrëveshjes për targat e automjeteve do të takohen të enjten e ardhshme në Bruksel, ka bërë me dije zëvendëskryeministri, Besnik Bislimi në mbledhjen e Komisionit për Integrim Evropian. “Të enjten e ardhshme kanë takim Grupi punues i Kosovës dhe ai i Serbisë, për me u munduar me finalizuar marrëveshjen për targat. Ne shpresojmë që do të ketë qasje konstruktive nga dy palët që kishte me çuar deri të një zgjidhje dhe takimi tjetër mbahet më 20 prill, ndërsa me 21 prill del raporti final se a kemi zgjidhje apo nuk kemi. Pala jonë është duke negociuar në mirëbesim, me idenë që të arrihet një zgjidhje finale që avancon situatën e tanishme në një zgjidhje permanente dhe sipas standardeve më të mira të praktikave të Bashkimit Evropian”, ka thënë Bislimi. Më 21 shtator 2021, Qeveria e Kosovës ka vendosur masën e reciprocitetit për targat nga Serbia. Për këtë vendim ka pasur protesta dhe ngritje barrikadash në veri të Kosovës, në afërsi të dy pikë kalimeve kufitare në Jarinje dhe Bërnjak.
