Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Organizuar nga HANDIKOS-i, në Prishtinë u mbajt konferenca “Qasja dhe fuqizimi për personat me aftësi të kufizuara” në të cilën u bisedua për pozitën dhe të drejtat që kanë personat e kësaj kategorie të shoqërisë në Kosovë. Gjatë konferencës u tha se institucionet e Kosovës duhet zbatuar Strategjinë Nacionale për të Drejtat e Personave me Aftësi të Kufizuara, zbatim të ligjeve, njohje dhe respektim të drejtave, krijim të qasjes dhe ofrim të shërbimeve shëndetësore dhe rehabilituese, përfshirje në arsim dhe krijim të kushteve të përgjithshme për pjesëmarrje të barabartë në shoqëri të personave me aftësi të kufizuara. Në konferencë prezantuan përfaqësues të organizatave të personave me aftësi të kufizuara, nga Zyra e BE-së në Kosovë, nga Ambasada e SHBA-ve, nga Zyra për Qeverisje të Mirë e Zyrës së Kryeministrit.
