Daut Haradinaj paralajmëron arrestime të zyrtarëve nivelit të lartë në qeverinë e drejtuar nga Albin Kurti

Haradinaj e Ismaili kanë përkujtuar dëshmorët dhe masakrat e Serbisë në rrethinën e Prishtinës

Kandidati i Aleancës për Ardhmërinë e Kosovës për kryetar të Prishtinës, Daut Haradinaj dhe sekretari i Partisë Demokratike të Kosovës, Uran Ismaili, kanë përkujtuar dëshmorët dhe masakrat e Serbisë në rrethinën e Prishtinës. Sekretari i Partisë Demokratike të Kosovës, Uran Ismaili, ka shkruar se djemtë dhe vajzat e kryeqytetit të Kosovës kapën pushkët dhe luftuan krah për krah bashkëluftëtarëve të tyre nga gjithë Kosova. Kosova është e ngritur mbi themelet e forta të heroizmit, sakrificës dhe vetëmohimit. Edhe kandidati i AAK-së për kryetar të Prishtinës, Daut Haradinaj ka shkruar se sot përkujtojmë mbi 150 shqiptarë të pambrojtur, të cilët u masakruan në rrethinën e Prishtinës, përfshirë fëmijë, gra e pleq. “Në këtë masakër mbetën të vrarë nga fëmiu 7 vjeçar e deri te plaku 90 vjeçar. Andaj, sot kur i kujtojmë këto masakra të prillit, majit, dhe qershorit, me të drejtë bëjmë thirrje për drejtësi për viktimat e gjenocidit serb mbi popullin tonë”, ka shkruar Haradinaj.

 

 

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …