Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës ka bërë sot homazhe tek shtatorja dhe kulla e Haxhi Zekës me rastin e shënimit të 120 vjetorit të Lidhjes së Pejës Nga aty, Haradinaj foli edhe për çështjet aktuale, ndryshimin e kufijve, taksën dhe grevën në arsim. Haradinaj tha se Lidhja e Pejës e ka forcuar lidhjen mes shqiptarëve, dhe se e njëjta u ka dërguar porosi edhe armiqve të Kosovës. Sipas Haradinajt, me këto homazhe u dërgua porosia se nuk do të ketë më projekte të huaja në tokën e shqiptarëve, dhe se Kosova nuk ka çfarë të japë më. Haradinaj foli edhe për vendosjen e taksës ndaj Serbisë, për të cilën tha se nuk është bërë për inat të askujt, mirëpo për mbrojtjen e interesave nacionale. Tutje tha se ky vit do të jetë vit i ekonomisë në Kosovë, dhe me investimet e mëdha, synohet rritje prej 7 për qind. Haradinaj paralajmëroi edhe Sindikatën e Arsimit për grevën në këtë sektor, për të cilën tha se asnjë orë nuk do të kalojë pa u kompensuar. Ai tha se sindikalistëve u është ofruar një zgjidhje e qëndrueshme, dhe se tërheqja nga ligji për pagat nuk ofron dalje nga kjo situatë. Kujtojmë, se Haradinaj gjatë ditës së djeshme u takua edhe me ambasadorin amerikan, Philip Kosnett, me të cilin u diskutua mundësia e heqjes së taksës ndaj produkteve serbe.
