Haradinaj: Kosova partner serioz në thellimin e bashkëpunimit ndërmjet vendeve të Ballkanit Perëndimor

Kryeministri Haradinaj: Kosova është partner serioz në thellimin e bashkëpunimit ndërmjet vendeve të rajonit

Kryeministri i Kosovës, Ramush Haradinaj po merr pjesë në Samitin e Bashkimit Europian me Ballkanin Perëndimor në Sofje. Ai ka thënë fuqizimi i lidhjeve  është jetike për të ardhmen tonë të përbashkët të rajonit. Haradinaj ka theksuar se Kosova është partner serioz në thellimin e bashkëpunimit ndërmjet vendeve të Ballkanit Perëndimor.

“Unik t’i themi po partneritetit dhe integrimit, në Samitin historik të Bashkimit Europian me Ballkanin Perëndimor në Sofje, ku po konfirmohet e ardhmja europiane e rajonit. Në këtë Samit, më të rëndësishmin që nga Samiti i Selanikut të vitit 2003, po marr pjesë bashkë me Presidentin Thaçi dhe ministrin e Punëve të Jashtme, Behgjet Pacolli. Fuqizimi i lidhjeve përbrenda rajonit është jetike për të ardhmen tonë të përbashkët. Me liderët e BE-së dhe partnerët ballkanikë, diskutuam hapur për progresin e arritur në shtetet tona veç e veç, si dhe ndërlidhjet infrastrukturore dhe digjitale. Kosova mbetet partner serioz në thellimin e bashkëpunimit ndërmjet vendeve të Ballkanit Perëndimor dhe në ndërtimin e perspektivës europiane të rajonit”, ka shkruar Haradinaj.

Kontrolloni gjithashtu

Gjykata Ndërkombëtare e Drejtësisë urdhëroi shtetin e Izraelin që menjëherë të ndalë krimet në jug të Gazës

Gjykata Ndërkombëtare e Drejtësisë urdhëroi shtetin e Izraelin që menjëherë të ndalë ofensivën e tij …