Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Takimi i Ramush Haradinajt me Thomas Busch, Këshilltarin Kryesor Politik të Përfaqësuesit Special të BE-së për Dialogun, nuk është vetëm një bisedë protokollare.
Në një moment kur Kosova po përballet me bllokadë institucionale dhe stagnim të proceseve vendimtare, Haradinaj e përdor këtë kanal diplomatik për të përcjellë dy mesazhe: së pari, se Aleanca për Ardhmërinë e Kosovës mbetet e gatshme të ofrojë kontribut aktiv për zhbllokimin politik; së dyti, se rruga euro-atlantike e vendit nuk mund të mbetet peng i krizave të brendshme.
Ky pozicionim jo vetëm që e vendos AAK-në si faktor konstruktiv në skenën e brendshme, por edhe synon ta lidhë vizionin politik të saj me mbështetjen ndërkombëtare, veçanërisht me Bashkimin Evropian, të cilin Haradinaj e sheh si aktor kyç në perspektivën strategjike të Kosovës.
