Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mbrëmjen e së premtes, mbi 30 zjarrfikës punuan pa ndërprerje deri në orët e mëngjesit për të shpëtuar prodhimin e energjisë elektrike në Korporatën Energjetike të Kosovës (KEK). Falë angazhimit të tyre, Kosova nuk pësoi reduktime pas sulmit terrorist në kanalin e Ibër-Lepencit në Zubin Potok. Komandanti i zjarrfikësve për rajonin e Prishtinës, Malë Gashi, vlerësoi reagimin e shpejtë dhe koordinimin e njësive zjarrfikëse nga e gjithë Kosova. “Në më pak se një orë nga marrja e informacionit, ishim para KEK-ut dhe të gatshëm për veprim,” deklaroi Gashi. Pavarësisht suksesit të operacionit, zjarrfikësit në Kosovë përballen me sfida të mëdha. Ish-komandanti Latif Zeka theksoi mungesën e personelit dhe automjeteve moderne, si dhe kushtet e papërshtatshme të punës. Zjarrfikësit janë të lënë pas dore nga institucionet e vendit, tha Zeka.
