Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Numri prej 46 mijë e 230 veteranëve, mund ta rrezikojë marrëveshjen me Fondin Monetar Ndërkombëtar. Ky numër që ka tejkaluar parashikimet e qeveritarëve ka dalë nga Komisioni Qeveritar i formuar enkas për të verifikuar statusin e pjesëmarrësve në luftën e Ushtrisë Çlirimtare të Kosovës. Ministri i Financave, Avdullah Hoti tha se nuk e di se si mund të përballohet kostoja e këtij numri kaq të lartë. Ai në një intervistë për KosovaPress tha se ky numër i veteranëve që ka dalë nga Komisioni qeveritar dhe i miratuar dje nga Qeveria mund ta rrezikojë marrëveshjen me FMN-në. Ai ka sqaruar se deri në maj paga kanë marrë mbi 23 veteranë, por sipas tij, janë edhe dy-tre mijë tjerë që kanë aplikuar për të marrë pensionin e që janë duke u procesuar aplikacionet e tyre. Ai tha se kanë qenë të përgatitur për 12 deri 13 mijë që mund të paguhen. “Ky numër i veteranëve ka dal jashtë çdo parashikimi që ne e kemi marrë fillimisht nga Komisioni për Verifikimin e Statusit të Veteranëve në gusht-shtator të vitit të kaluar. Atëherë kur jemi dakorduar që të fillojmë pagesën e këtyre, vlerësimet kanë qenë se nuk mund të shkojmë te një numër që nuk kalon 12-13 mijë maksimumi, ndërkaq në maj, para disa dite ne kemi paguar mbi 23 mijë veta”, theksoi Hoti.
