Kryeministri Hoti ka marrë pjesë sot në Samitin e Parisit i cili është organizuar përmes një video-konference. Në fjalën e tij para të pranishmëve ai ka theksuar se për Kosovën, marrëdhëniet fqinjësore me Serbinë vazhdojnë të mbesin shqetësuese. Që nga fillimi i dialogut më 2011, Serbia ka vazhduar të ndërmarrë fushata kundër anëtarësimit të Kosovës në organizata ndërkombëtare dhe duke lobuar kundër njohjes së Kosovës nga shtetet e tjera. Këto praktika të dëmshme dëmtuan procesin e normalizimit të marrëdhënieve tona si dy vende të pavarura. Gjatë rrjedhës së dialogut, Serbia nuk tregoi synime të vërteta për normalizimin e marrëdhënieve midis dy vendeve. Përkundrazi, ai e ka zgjatur procesin për të “blerë kohë” dhe për të vazhduar fushatat e saja kundër sovranitetit të Kosovës. Tutje Hoti ka përmendur edhe pesë objektivat që Kosova synon të arrijë:
- Marrëveshja Gjithëpërfshirëse që duhet të rezultojë në njohje reciproke.
- Njohja e Kosovës nga pesë vendet e BE-së.
- Anëtarësimi i Kosovës në OKB dhe shfuqizimi i Rezolutës 1244.
- Anëtarësimit në organizata të tjera ndërkombëtare .
- Zbardhja e fatit të personave të humbur dhe viktimave të gjitha formave.