Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish rektori i Universitetit të Prishtinës, Ibrahim Gashi ka bërë me dije se proceset politike dhe ekonomike nëpër të cilat po kalon Kosova e kanë shtyrë t’i rikthehet skenës politike. Në një intervistë për “Epoka e re”, Gashi ka treguar se zgjodhi PDK-në për ta vazhduar karrierën e tij politike për dy arsye: së pari, se PDK-në e konsideron parti kontribuuese të çlirimit, të pavarësimit dhe të konsolidimit të shtetit të Kosovës dhe, së dyti, pasi sot shumë çlirimtarë nga regjioni i Drenicës, që dhanë shumë për lirën dhe luftën, po akuzohen me akuza të sajuara. “Në këtë situatë unë kam ndier obligim të bashkohem me partinë e cila më së miri mund dhe do t’i mbrojë këto vlera”, ka thënë Gashi. Ai thotë se nuk sheh në horizont ndonjë alternativë politike të re apo ekzistuese që do ta rrezikonte vendin e parë për PDK-në.
