Ilir Meta dekoron Gjukanoviqin e Malit të Zi, ndërkohë opozita pro serbe injoron dhe fyen shqiptarët

Ilir Meta dekoron Gjukanoviqin e Malit të Zi, ndërkohë opozita pro serbe injoron dhe fyen shqiptarët

Në kuadër të vizitës së tij zyrtar në Podgoricë, kryetari i Kuvendit të Shqipërisë, Ilir Meta u prit nga kryeministri i Malit të Zi, Milo Gjukanoviq me të cilin vlerësuan, sikur thanë ata, ecurinë e marrëdhënieve të shkëlqyera mes dy vendeve. Meta theksoi se progresi i Malit të Zi është edhe një interes i veçantë i Shqipërisë dhe shprehu bindjen se bashkëpunimi miqësor mes dy vendeve tona po kthehet në një bashkëpunim të ngushtë vëllazëror që karakterizohet nga një mirëbesim reciprok të plotë. Gjithashtu, Ilir Meta i dorëzoi kryeministrit të Mali të Zi, Gjukanovic “Dekoratën e Flamurit Kombëtar” akorduar nga Presidenti i Shqipërisë, Bujar Nishani me propozim të Kryetarit të Kuvendit, Ilir Meta gjatë një ceremonie të veçante zyrtare në Podgoricë. “Dekorata e Flamurit Kombëtar”, si dekorata më e lartë që i jepet personaliteteve të huaja, iu akordua Kryeministrit Gjukanoviq “për kontributin e veçantë e të çmuar në vendosjen e marrëdhënieve diplomatike dhe intensifikimin e bashkëpunimit. Gjatë kohës së qëndrimit të Ilir Metës në Podgoricë deputetë pro serbë të Kuvendit të Malit të Zi kanë afishuar thirrje kundër pavarësisë së Kosovës dhe kundër shqiptarëve përgjithësisht.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …